Fransanın keçmiş prezidenti Fransua Olland Parisi Moskva ilə bütün əlaqələri kəsməyə çağırıb.
Musavat.com xarici mediaya istinadla xəbər verir ki, o, fikirlərini Fransanın “France Inter” radiosunun efirində bildirib.
"Mənim tövsiyəm Rusiya ilə təmasların olmamasıdır" deyən Olland Fransa və Rusiya müdafiə nazirləri arasında aprelin 4-də baş tutan söhbəti şərh edərkən vurğulayıb. Sabiq prezidentin sözlərinə görə, Moskva “Krokus Siti Holl”da törədilən terror aktında Parisin əli olduğunu iddia edir və buna görə də Rusiya Federasiyası ilə əlaqələr sıfıra endirilməlidir.
Bundan əlavə, keçmiş dövlət başçısı qeyd edib ki, Qərb Ukraynaya dəstək siyasətini davam etdirməlidir, çünki Kiyevin müttəfiqləri münaqişəni dayandırmaq üçün “şanslarını artırmalıdırlar”.