İslam İnqilabı Keşikçiləri Korpusu (SEPAH) ABŞ-ın son hərbi əməliyyatlarına cavab olaraq Küveyt və Bəhreyndə yerləşən Amerika hərbi obyektlərinə raket və pilotsuz uçuş aparatları ilə zərbələr endirdiyini bəyan edib.
Sumqayit.tv xəbər verir ki,SEPAH-ın IRIB vasitəsilə yayımladığı açıqlamada bildirilir ki, əməliyyat zamanı Küveytdə yerləşən "Əli əs-Salim" aviabazası və Bəhreyndəki Salman limanında yerləşən ABŞ Hərbi Dəniz Qüvvələrinin 5-ci Donanmasının bazası da daxil olmaqla ümumilikdə səkkiz hərbi obyekt hədəfə alınıb.
Bəyanatda qeyd olunur ki, bundan əvvəl ABŞ İranın beş sahil postuna əlavə zərbələr endirib. SEPAH həmçinin Hörmüz boğazında gəmi hərəkətinə nəzarətin İrana məxsus olduğunu vurğulayaraq, qaydaları pozan gəmilərə qarşı daha sərt tədbirlərin görüləcəyi barədə xəbərdarlıq edib.
Qurum atəşkəsin pozulmasının danışıqlar prosesinə mənfi təsir göstərə biləcəyini bildirib.
Xatırladaq ki, daha əvvəl ABŞ Mərkəzi Komandanlığı (CENTCOM) İrandakı hərbi hədəflərə əlavə zərbələr endirildiyini açıqlamışdı.
Bu gün, 10:14
5
