Soçidə Rusiya və Belarus prezidentləri Vladimir Putinlə Aleksandr Lukaşenko arasında görüş keçirilib.
Sumqayit.tv Ria Novosti-yə istinadən xəbər verir ki, prezidentlər təkbətək formatda danışıblar.
"Biz burada, Soçidə ayrıca görüş keçirməyə razılaşdıq. Çünki şərait belə ciddi, dərin söhbət tələb edir. Mən regionda təhlükəsizlik məsələləri, ölkələrimizin təhlükəsizliyi, iqtisadiyyatla bağlı hər şeyi nəzərdə tuturam", - Putin görüşdən sonra deyib.
Onun sözlərinə görə, Rusiya Qərbin sanksiyalarının öhdəsindən gəlir:
"Qeyd etmək istərdim ki, bütün çətinliklərə baxmayaraq, Rusiya iqtisadiyyatı sanksiyaların təsirinə tab gətirir, kifayət qədər layiqincə dözür. Bütün əsas makroiqtisadi göstəricilər bundan xəbər verir”.
A.Lukaşenka isə öz növbəsində mövcud vəziyyəti “fürsət vaxtı” adlandırıb və qeyd edib ki, Qərb ölkələri “bunu dərk etmədən bizi öz iqtisadiyyatımızal daha intensiv işləməyə sövq edib”.
“Hökumətlərimiz bizim göstərişimizlə idxalın əvəzlənməsinin əsas istiqamətlərini müəyyən ediblər, hətta bunun neçəyə başa gələcəyini hesablayıblar, pul çox azdır, mən indi açıq danışmaq istəmirəm”, - Belarus dövlətinin başçısı bildirib.
Xarici təhlükələrdən danışan Lukaşenko bəyan edib ki, Minsk Şimali Atlantika Alyansının hərəkətlərindən ehtiyatlanır.
"NATO üzvləri qoşunlarını qərb sərhədlərində cəmləşdirir, Ukraynada gözlənilməz hadisələr baş verir. Bu, bizi də, sizləri də narahat edir. Onlar Ukraynanı parçalamaq üçün addımlar atırlar, - deyə Lukaşenko əlavə edib.
Onun sözlərinə görə, “həm polyaklar, həm də NATO 1939-cu ildən əvvəlki kimi Qərbi Ukraynanı zəbt etməyə çalışır”.
23-05-2022, 16:30
400
.jpg)
