Sumqayit.tv TASS-a istinadən xəbər verir ki, məhkəmə Google Ltd-ni Rusiya Federasiyasının İnzibati Xətalar Məcəlləsinin 13.11-ci maddəsinin 9-cu hissəsinə uyğun olaraq inzibati xəta törətməkdə təqsirli bilib (operator tərəfindən şəxsi məlumatların qeydə alınması, sistemləşdirilməsi, toplanması, saxlanması və ya çıxarılmasını təkrarən təmin etməmək)  və onu 15 milyon rubl məbləğində cərimə cəzasına məhkum edib.  

Məkhəmə qərarını hakim Timur Vaxrameev oxuyub.

İş materiallarından göründüyü kimi, 2021-ci ilin avqustunda Google istifadəçi məlumatlarını lokallaşdırmaqdan imtina etdiyinə görə artıq 3 milyon rubl cərimələnib, lakin o vaxtdan bəri bu pozuntunu aradan qaldırmayıb.

Bundan əvvəl Roskomnadzor mətbuata bildirib ki, Google, Facebook, Twitter və digər sosial şəbəkələr rusiyalı istifadəçilərin şəxsi məlumat bazalarını yerliləşdirməyib.

Onlar qeyd ediblər ki, Rusiyada verilənlər bazalarının lokallaşdırılması ilə bağlı qanunu pozduğuna görə Amerikanın Google şirkətinə qarşı inzibati protokol tərtib ediblər. Agentlik həmçinin Facebook və Twitter-dən cavab gözləyir. Bundan sonra inzibati işin başlanması məsələsi həll olunacaq.

Eyni zamanda, Roskomnadzor qeyd edib ki, bu günə qədər Rusiya istifadəçilərinin şəxsi məlumatlarının saxlanması Rusiya Federasiyasındakı 600-ə yaxın xarici şirkətlərin nümayəndəliyi tərəfindən lokallaşdırılıb.