Kanada Ermənistanda diplomatik korpus açır.

Sumqayit.tv Armenpress-ə istinadən xəbər verir ki, bu barədə Kanadanın xarici işlər naziri Melani Coli bildirib.

 

“Bu, ölkələrimiz arasında əlaqələri gücləndirəcək və Kanadadan Ermənistanda demokratiyaya dəstəyi artıracaq”, - Kanadanın xarici işlər naziri Tvitter-də yazıb.

 

Ermənistanın xarici işlər naziri Ararat Mirzoyan cavabında yazıb: “Biz Kanadanın Ermənistanda daimi səfirlik açmaq qərarını alqışlayırıq. Bu, ümumi dəyərlərə əsaslanan ikitərəfli əməkdaşlığımızı daha da gücləndirəcək Ermənistan-Kanada münasibətlərinin mütərəqqi inkişafında növbəti mərhələdir”.

 

Qeyd edək ki, bu, Kanadanın Cənubi Qafqazda ilk rezident səfirliyidir.

 

Xatırladaq ki, iyunun 28-də Ermənistanın xarici işlər naziri Ararat Mirzoyan Kanadanın xarici işlər naziri Melani Coli ilə telefon danışığı aparıb.

 

Tərəflər iki ölkə arasında müxtəlif sahələrdə səmərəli əməkdaşlığı məmnunluqla qeyd etdilər və Ermənistan-Kanada əlaqələrinin daha da dərinləşdirilməsi üçün səylər göstərməyə qarşılıqlı sadiq olduqlarını vurğuladılar.