Sumqayit.tv xəbər verir ki, bu barədə "The Guardian" qəzeti məlumat dərc edib. 

"Lavrov Baliyə gəlib və sammitdə bir neçə G20 həmkarı ilə görüşməyi planlaşdırıb, lakin nazirlər, o cümlədən Almaniyanın xarici işlər naziri Annalena Berbok və ABŞ dövlət katibi Entoni Blinken Lavrovla danışıqlardan imtina ediblər",- nəşr qeyd edib. 

G20-yə Moskvanı Ukraynada hərbi cinayətlərdə ittiham edən və sanksiyalar tətbiq edən Qərb ölkələri ölkələr daxildir.

Avropa və ABŞ-dan bəzi rəsmilər Bali sammitinin “adi kimi iş” olmayacağını vurğulayıblar və Almaniyanın xarici işlər nazirinin sözçüsü G7 ölkələrinin Lavrova Balidə cavablarını koordinasiya edəcəklərini söyləyib. 

Bildirək ki, Conson G20 iştirakçılarını Putin ora gələrsə, sammiti boykot etməməyə çağırıb.

Həmçinin İndoneziya prezidenti və G20 sədri Coko Vidodo G20 sammitində Rusiya diktatoru Vladimir Putinin şəxsi iştirakını istisna edib. 

Xatırladaq ki, aprelin sonunda G20-nin sədri olan İndoneziya prezidenti Coko Vidodo prezident Vladimir Zelenski ilə telefon danışığı zamanı Ukraynanı G20 sammitində iştiraka dəvət etmişdi. Öz növbəsində, Zelenski Ukraynanın İndoneziyada keçiriləcək G20 sammitində iştirak edəcəyini təsdiqləyib və bunun Rusiyanın iştirakı olmadan keçiriləcəyinə ümid etdiyini bildirib.