"Aclıq problemi daha da şiddətlənəcək"-BMT
Efiopiya, Keniya və Somalidə təxminən 22 milyon insan, əsasən, uzun illər davam edən quraqlıq səbəbindən aclıqla üz-üzədir.Sumqayit.tv xarici KİV-ə istinadən xəbər verir ki, bu barədə BMT-nin Ümumdünya Ərzaq Proqramı məlumat yayıb.
Məlumata görə, bu ölkələrdə mal-qara tələf olur, əhali kəskin su qıtlığı yaşayır. Quraqlıq səbəbindən 1,1 milyon insan evlərini tərk etmək məcburiyyətində qalıb.
Bununla belə, bölgədə quraqlığın yaxın aylarda da davam edəcəyi gözlənilir.
"Əhaliyə humanitar yardım göstərilməsə, bu rəqəm artacaq və aclıq problemi daha da şiddətlənəcək", - məlumatda deyilir.
Təşkilat, həmçinin əmin edib ki, regionda quraqlıq hələ bitmədiyinə görə növbəti altı ayda yerli əhalinin artan tələbatını ödəmək üçün təxminən 418 milyon dollar əlavə vəsait lazımdır.
20-08-2022, 05:10
118
Digər xəbərlər
