Sumqayıtda tibb işçilərinin tibbi tullantıların düzgün idarə olunması ilə bağlı bilik və məlumatlılığının artırılması məqsədilə maarifləndirici görüşlər keçirilib.
Sumqayit.tv xəbər verir ki, tədbirlər 4 və 6 saylı Ailə Sağlamlıq Mərkəzlərində, eləcə də Sumqayıt Batıgöz Klinikasında baş tutub.
Görüşlər 4 saylı Regional Ekologiya və Təbii Sərvətlər İdarəsinin əməkdaşları tərəfindən təşkil olunub. Tədbirlər zamanı iştirakçılara tibbi tullantıların növləri, təhlükəsizlik qaydalarına uyğun çeşidlənməsi, müvəqqəti saxlanılması, daşınması və zərərsizləşdirilməsi barədə ətraflı məlumat verilib.
Bildirilib ki, tibbi tullantıların düzgün idarə olunmaması insan sağlamlığı və ətraf mühit üçün ciddi risklər yarada bilər. Bu baxımdan, onların təhlükəsiz şəkildə idarə olunmasının ekoloji təhlükəsizliyin təmin edilməsi və ictimai sağlamlığın qorunması baxımından mühüm əhəmiyyət daşıdığı vurğulanıb.
30-06-2026, 16:44
47
