İyulun 4-də Sumqayıt və Abşeron yarımadasında əsasən yağmursuz hava şəraiti müşahidə olunacaq.

Sumqayit.tv xəbər verir ki, bu barədə Milli Hidrometeorologiya Xidməti məlumat yayıb.

Məlumata görə, Bakıda və Abşeron yarımadasında hava dəyişkən buludlu olacaq, gün ərzində əsasən yağıntı gözlənilmir. Cənub-şərq küləyi əsəcək.

Havanın temperaturu gecə saatlarında 20–24 dərəcə isti, gündüz isə 30–34 dərəcə isti təşkil edəcək. Nisbi rütubət gecə 75–80 faiz, gündüz 50–55 faiz olacaq.

Azərbaycanın şimal və qərb rayonlarında isə hava şəraiti fərqli olacaq. Belə ki, bəzi ərazilərdə arabir yağış yağacağı, ayrı-ayrı yerlərdə yağıntının qısamüddətli intensiv xarakter alacağı, şimşək çaxacağı və dolu düşəcəyi ehtimal olunur. Gecə və səhər saatlarında bəzi dağlıq ərazilərdə duman müşahidə ediləcək.

Rayonlarda havanın temperaturunun gecə 20–24, gündüz 31–36 dərəcə isti, dağlıq ərazilərdə isə gecə 10–15, gündüz 20–25, bəzi yerlərdə 27–32 dərəcə isti olacağı proqnozlaşdırılır.

3-07-2026, 13:13 78