Milli Hidrometeorologiya Xidməti iyulun 5-i üçün Abşeron çimərliklərində gözlənilən hava və dəniz şəraiti ilə bağlı məlumat yayıb.
Sumqayit.tv xəbər verir ki, gün ərzində cənub-qərb küləyinin əsəcəyi, günorta saatlarından etibarən isə küləyin istiqamətini dəyişərək şimal-şərqdən əsəcəyi gözlənilir.
Məlumata görə, Abşeronun şimal çimərliklərində, o cümlədən Sumqayıt, Novxanı, Pirşağı, Nardaran, Bilgəh və Zuğulbada dəniz suyunun temperaturu 23-24 dərəcə isti olacaq.
Cənub çimərliklərində – Türkan, Hövsan, Sahil və Şıxda isə dəniz suyunun temperaturunun 24-25 dərəcə isti olacağı proqnozlaşdırılır.
Bu gün, 13:34
6
