Ötən gün Azərbaycandan qaçarkən həbs edildiyi deyilən Xocalı qatili Vitali Balasanyan açıqlama yayıb.
Sumqayit.tv xəbər verir ki, o, erməni mediasına “Laçın” postundan keçərkən həbs edildiyi barədə məlumatı təkzib edib.
“Mən Qarabağdayam. Ünvanı yazın: Əsgəran şəhəri, Danielyan küçəsi 29. Mən buradayam, heç Qarabağı tərk etməyə cəhd də etməmişəm”, - deyə o bildirib.
Qeyd edək ki, Qarabağ separatçı-terrorçularının keçmiş “dövlət naziri”, rusiyalı milyarder Ruben Vardanyan ötən gün “Laçın” postundan keçmək istəyərkən saxlanılıb. Separatçı-terrorçuların başçısının “müşaviri” David Babayan da təslim olmaq üçün Şuşaya getməyə qərar verdiyini bildirib.
Bir neçə dəqiqə öncə isə separatçıbaşı Samvel Şahramanyan separatçı-terrorçu xuntanın özünü buraxdığını elan edib.