Sumqayit.tv Anadolu agentliyinə istinadən xəbər verir ki, Prezident Ərdoğan rəsmi qarşılanma mərasimindən sonra iranlı həmkarı İbrahim Rəisi ilə təkbətək görüşüb. Mətbuata qapalı keçən görüşün nəticələri haqqında ictimayyətə məlumat verilməyib. 

Türkiyə prezidenti R.T.Ərdoğan İrana Astana formatında keçiriləcək Yeddinci Üçtərəfli Zirvə Toplantısına qatılmaq üçün geniş nümayəndə heyəti ilə gəlib. Türk heyətin tərkibinə Milli Müdafiə naziri Hulusi Akar, Daxili İşlər naziri Süleyman Soylu, Xarici İşlər naziri Mövlud Çavuşoğlu, Xəzinə və Maliyyə naziri Nurəddin Nebati, Enerji və Təbii Ehtiyatlar naziri Fatih Dönmez, Gənclər və İdman naziri Mehmet Muharrem Kasapoğlu, Ticarət naziri Mehmet Muş, Sənaye və Texnologiya naziri, Mustafa Varank, Milli Kəşfiyyat Təşkilatının (MİT) rəhbəri Hakan Fidan, Prezidentin Kommunikasiya direktoru Fahrettin Altun və Prezidentin sözçüsü İbrahim Kalın da iştirak ediblər.

Daha sonra prezident Ərdoğanla İran prezidenti baş katibinin təkbətək görüşü olub.

 Qeyd edək ki, “Sədabad” sarayında baş tutan görüş təxminən 1 saat 30 dəqiqə davam edib.

Bağlı qapılar arxasında keçirilən görüşdə iki ölkənin nümayəndə heyətləri də iştirak edib.