Külli miqdarda gömrük ödənişlərindən yayınmanın qarşısı alınıb
Bu barədə Dövlət Gömrük Komitəsindən bildirilib.
Belə ki, ölkə ərazisinə gətirilən və Azərbaycan vətəndaşı Ağamalıyev Vahid Rəşid oğlu tərəfindən bəyan edilən mallara Bakı Baş Gömrük İdarəsində gömrük yoxlaması həyata keçirilib. Yoxlama zamanı malların bir qisminin sayının bəyannamədə göstəriləndən dəfələrlə çox olduğu müəyyən edilib.
Bəyan edilən mallar arasında qəlyan üçün ağızlıqlar 116 000 ədəd göstərilsə də, faktiki olaraq 1 160 000 ədəd, elektron siqaretlər 1 720 ədəd göstərilsə də, faktiki olaraq 7 884 ədəd, ülgüclər 1104 ədəd göstərilsə də, faktiki olaraq 5152 ədəd, həmçinin digər malların olduğu aşkar edilib.
Bundan əlavə, 5190 ədəd qəlyan tütünü, 500 qutu stomatoloji (sinir iynəsi) ləvazimatlar, 1 ədəd “Akvafor” markalı su filtri, 1 ədəd “Sintering Furnance” markalı stomatoloji selizator aparatının, ümumiyyətlə gömrük orqanına bəyan olunmadığı müəyyən edilib.
28-10-2022, 16:45
119
Digər xəbərlər
