Abşeron rayonunda, Bakı-Sumqayıt yolunun 7-ci kilometrliyində baş verən yanğınla bağlı Fövqəladə Hallar Nazirliyi məlumat yayıb.

Sumqayit.tv xəbər verir ki, hadisə yerinə cəlb olunan Dövlət Yanğından Mühafizə Xidmətinin qüvvələri yanğının bir dam altında yerləşən, bir-birinə bitişik müxtəlif təyinatlı obyektlərdə baş verdiyini və yayılma riskinin yüksək olduğunu müəyyən edib.

Yanğınsöndürənlərin оператив müdaxiləsi nəticəsində alovun genişlənməsinin qarşısı alınıb və yanğın qısa müddətdə söndürülüb.

Hadisə zamanı ümumi sahəsi 650 kv.m olan obyektlərdə ziyan qeydə alınıb. Belə ki, 100 kv.m sahəsi olan mebel sexi, 90 kv.m-lik digər sex və avtomobil təmiri sexinin bir hissəsi yanıb. Həmçinin mebel sexlərindən birində avadanlıqlar zərər görüb.

Yüksək temperaturun təsirindən yaxınlıqdakı digər sexdə təmir üçün saxlanılan “Isuzu” markalı yük avtomobilinin yük hissəsində kondisioner deformasiyaya uğrayıb.

Ətrafdakı digər obyektlər və anbarlar yanğından mühafizə olunub.

2-05-2026, 11:33 288