Sumqayıt gömrüyünün sabiq rəisi DTX tərəfindən həbs edilib
Dövlət Təhlükəsizliyi Xidməti (DTX) əməkdaşlarının dünən Dövlət Gömrük Komitəsinin strukturlarında korrupsiyaya qarşı əməliyyat keçirdiyi barədə məlumat yayılıb.Qeyri-rəsmi informasiyalarda əməliyyat zamanı yüksək rütbəli gömrükçülərin həbs olunduğu bildirilir.
Sumqayit.tv xəbər verir ki, “AzPolitika.info”nun məlumatına görə, DTX-nın əməliyyatı nəticəsində saxlanılanlardan birinin Dövlət Gömrük Komitəsinin “Azərterminalkompleks” birliyinin direktoru vəzifəsində çalışan gömrük general-mayoru Ehtiram Xəlilov olduğu bildirilir.
Ehtiram Xəlilov 1965-ci ildə Göyçay rayonu Bığır kəndində anadan olub. 1983-1985-cı illərdə hərbi xidmət keçib. 1986-1997-ci illərdə daxili işlər orqanlarında çalışıb.
1992-ci ildə Bakı Dövlət Universitetinin Tarix fakültəsini bitirib.
1997-ci ildən Gömrük orqanlarında xidmət göstərir. 1997-ci ildə Bakı Baş Gömrük idarəsinin Bərə keçid postunun inspektoru və Gömrük rəsmiləşdirilməsi şöbəsinin inspektoru vəzifələrində çalışıb.
2000-ci ildə Enerji Gömrük idarəsinin Liman Gömrük postunun rəisi, 2003-cu ildə Enerji Gömrük idarəsinin Səngəçal postunun rəisi vəzifələrində işləyib.
2003-cü ildə isə Bakı Dövlət Universitetinin Hüquq fakültəsində qiyabi təhsil alıb.
2003-2013-cü illərdə Sumqayıt Baş Gömrük idarəsinin rəisi, 2013-2018-ci illərdə Aksiz Baş Gömrük idarəsinin rəisi vəzifələrində çalışıb.
2018-ci ildən "Azərterminalkompleks" birliyinin direktoru vəzifəsinə təyin edilib.
3-cü dərəcəli "Vətənə xidmətə görə" ordeni, 2-ci dərəcəli "Vətənə xidmətə görə" ordeni və "Dövlət qulluğunda fərqlənməyə görə" medalı ilə təltif olunub.
DTX-nın əməliyyatı ilə bağlı geniş rəsmi açıqlamanın veriləcəyi gözlənilir.
21-06-2022, 10:30
643
Digər xəbərlər
