Sumqayıt Cüdo Təlim Mərkəzində kəmər dərəcələri üzrə növbəti rəsmi imtahan keçirilib.

Sumqayit.tv xəbər verir ki, Azərbaycan Cüdo Federasiyasının təşkilatçılığı ilə baş tutan imtahanda ümumilikdə 390 cüdoçu iştirak edib.

İdmançılar yaş uyğunluğuna əsasən ağ-sarı, sarı, narıncı, yaşıl, göy və qəhvəyi kəmər dərəcələri üzrə bacarıqlarını nümayiş etdiriblər. İmtahan zamanı iştirakçıların texniki hazırlıq səviyyəsi və nəzəri bilikləri qiymətləndirilib.

İmtahanı uğurla başa vuran cüdoçulara müvafiq kəmər və sertifikatlar təqdim olunub.

Qeyd edək ki, kəmər imtahanları idmançıların texniki hazırlığının artırılmasına, cüdo üzrə bilik və bacarıqlarının daha sistemli şəkildə formalaşmasına xidmət edir. Bu mərhələ eyni zamanda onların motivasiyasının yüksəlməsinə və gələcəkdə nüfuzlu yerli yarışlarda iştirak etmələrinə imkan yaradan vacib şərtlərdən biri hesab olunur.

10-06-2026, 10:19 56