"Sumqayıt" Futbol Klubu heyətini yeni legionerlə gücləndirib. Klub Portuqaliya çempionatında çıxış etmiş braziliyalı qapıçı Jeymes Almeyda ilə uzunmüddətli müqavilə imzalayıb.

Sumqayit.tv xəbər verir ki, klubun yaydığı məlumata görə, 24 yaşlı qolkiperlə 2+1 illik müqavilə bağlanıb. Beləliklə, Almeyda qarşıdakı mövsümlərdə "Sumqayıt"ın uğurları üçün mübarizə aparacaq.

Qeyd edək ki, Jeymes Almeyda Braziliyanın məşhur "Santos" klubunun yetirməsidir. O, peşəkar karyerası ərzində Portuqaliyanın "Pasuş Fereyra" və "Montaleqre" klublarının da formasını geyinib.

Yeni transferin komandaya qoşulması ilə "Sumqayıt" rəhbərliyi 2026/2027 mövsümü öncəsi heyətin gücləndirilməsi istiqamətində çalışmalarını davam etdirir. Klubun azarkeşləri braziliyalı qapıçının yeni mövsümdə etibarlı çıxışı ilə müdafiə xəttinə əlavə güc qatacağına ümid edirlər.

4-07-2026, 15:28 49