Azərbaycan U-18 basketbol millisi San Marinoda keçirilən Avropa çempionatında növbəti matçına çıxacaq.
Sumqayit.tv “Qafqazinfo”a istinadən xəbər verir ki, C divizionunda çıxış edən komandamız Ermənistanla üz-üzə gələcək.
Qarşılaşma Bakı vaxtilə saat 19:00-da başlayacaq.
San Marinoda gənclər arasında təşkil olunmuş Avropa Çempionatının “C” divizionunda 18 yaşadək oğlan basketbolçulardan ibarət Azərbaycan milli komandası B qrupunda üçüncü görüşünə çıxıb.
Ermənistan seçməsi ilə qarşılaşan Tahir Baxşıyev və Anar Sarıyevin rəhbərlik etdiyi Azərbaycan millisi görüşə üstün başlayıb və yekunda rəqibini 76-65 hesabı ilə məğlub edərək parketdən qələbə ilə ayrılıb.
Bu qələbədən sonra milli komanda turnirin yarımfinalına vəsiqə qazanıb.
Azərbaycan millisinin qrupdakı sonuncu rəqibi Moldova komandası olacaq. Oyun iyulun 28-də Bakı vaxtı ilə saat 14.30-da start götürəcək.
27-07-2022, 22:18
213
