Bu gün Sumqayıtda "Vətən" müharibəsində qəhrəmancasına şəhidlik zirvəsinə ucalan kəşfiyyatçı-snayper Nəsibov Elmar Şirzad oğlunun mövludu mərasimi keçirilib.

Sumqayit.tv xəbər verir ki, tədbir Şəhidimizin yaşadığı binada barelyefinin açılışıyla başlayıb. Şəhid anaları, Şəhidimizin təhsil aldığı Sumqayıt şəhəri 14 saylı orta məktəbin şagirdləri və Elmar Nəsibovun sinif yoldaşları iştirak edib. Daha sonra mərasim Nəriman Nərimanov adına Mədəniiyət Mərkəzində davam edib. Mərasimdə Şəhidlərimiz 1 dəqiqəlik sükutla yad edilib, himnimiz səslənib, vətənpərvər mahnılar ifa edilib. Sonda ehsan süfrəsi açılıb.
Başda şəhidimiz Elmar Nəsibovun anası Sürəyya Nəsibova və atası Şirzad Nəsibov olmaqla, bütün şəhid ailələrinə Allahdan səbr və dözüm diləyirik. Ruhunuz Şad olsun, Vətənimizin Qəhrəmanları!