Bu gün Vətən Müharibəsi şəhidlərimiz Əhmədov Abdulla, Cəfərov Cavid və Nuriyev Salehin anım mərasimləri keçirilib.

Sumqayit.tv xəbər verir ki, tədbir şəhidlərimizin təhsil aldığı 33 nömrəli orta məktəbdə baş tutub. Əvvəlcə dövlət himnimiz səsləndirilib. Ardınca şagirdlər vətənpərvərlik mövzusunda şeirlər səsləndirib və hərbi mahnılar oxuyublar. Sonda Şəhid analarına söz verilib. Abdullanın anası Validə xanım, Cavidin anası Nəzakət xanım, Salehin anası Rəmziyyə xanım uşaqlara  gələcək həyatlarında uğurlar arzu ediblər və vətənə, millətə layiqli övlad olmaq üçün öz tövsiyyələrini veriblər. 33 saylı məktəbin direktoru Rübabə Əsgərova şagirdlərə Şəhidlərimizi unutmamağı və Vətəni layiqli təmsil etməyə borclu olduqlarını diqqətə çatdırıb.
Ruhunuz şad olsun, Vətənimin oğulları.