Bu gün Füzuli şəhərinin işğaldan azad edildiyi gündür. Bu münasibətlə hər iki müharibənin iştirakçısı, Azərbaycan Bayrağı ordenli Zahir Həsənov şəhərin alınması ilə bağlı öz fikirlərini çatdırıb : “Ali Baş komandan İlham Əliyev, Azərbaycan zabiti və əsgəri öz gücünü bir yerə qoyaraq torpaqları işğaldan azad etdi. Nəticədə bu gün Füzuli rayonunun Qoçəhmədli, Cuvarlı, Pirəhmədli, Musabəyli, Çimən, İşıqlı və Dədəli kəndləri düşmən tapdağından qurtuldu. Bu ərazilərin azad edilməsində Sur yüksəkliyi və Ərgünəş dağının ələ keçirilməsi xüsusi rol oynadı. Azərbaycan ordusu bu yolla düşmənin arxasına keçdi. Bundan sonra Füzuli şəhəri faktiki olaraq ordumuz tərəfindən bloka salındı. Beləliklə, Füzuli şəhəri və kəndlərinin azad edilməsi reallaşdı. Ali Baş komandan İlham Əliyevi, xalqımızı, ordumuzu bu qələbə münasibətilə təbrik edirəm. Sevinirəm ki, 27 il əvvəl məyus halda tərk etdiyim torpağa 62 yaşımda çiynimdə silah qayıtdım “.

17-10-2022, 11:56 472