Ermənistan Hindistanla "Akaş" kimi ortamənzilli yer-hava raket (SAM) sistemi ilə yanaşı, pilotsuz uçuş aparatlarının və sursatlarının mümkün tədarükü də daxil olmaqla, Hindistanla daha çox müdafiə sazişlərini nəzərdən keçirir.
Bu barədə "The Print" nəşri məlumat dərc edib. 
Məlumata görə, çərşənbə axşamı Qandinaqarda keçirilən "DefExpo 2022" sərgisi çərçivəsində Ermənistanın müdafiə naziri Suren Papikyan və Hindistanın müdafiə naziri Racnath Singh arasında keçirilən ikitərəfli görüşün əsas mövzusu müdafiə sahəsində əməkdaşlığın dərinləşdirilməsi olub.