Sumqayit.tv-nin redaksiyasına vətəndaşların növbəti şikayəti daxil olub.

Belə ki, sürücülər Sumqayıt şəhərinin yollarındakı nişanlanma problemindən narazılığını bildirir. Onların sözlərinə görə, yollarda nişanlanma xətləri yoxdur və ya silinib. Şəhərin demək olar ki, əksər ərazilərində bu vəziyyət hökm sürür və bu, birbaşa qəza şəraiti yaradır. Belə hal yol hərəkətinin təşkilində ciddi qüsurdur. Bu üzdən problem təcili aradan qaldırılmalıdır və həmin yol sahəsində rahat və təhlükəsiz hərəkət sxeminə uyğun olaraq yol nişanları və nişanlanma xətləri çəkilməlidir.
Xatırladaq ki, yolun nişanlanması yol hәrәkәtinin nizamlanmasının sәmәrәli vasitәlәrindәn biri olmaqla, nәqliyyat axınının qaydaya salınmasına vә yolun buraxılış qabiliyyәtinin yüksәldilmәsinә xidmәt edir. Yol nişanlanmasına hәrәkәt tәhlükәsizliyini artırmaq mәqsәdi ilә yol hәrәkәti qaydalarını müәyyәnlәşdirәn, yol qurğularının ölçülәrini vә ya yolun istiqamәtini bildirәn, yolun hәrәkәt hissәsinә, yolun vә yol qurğularının digәr elementlәrinә çәkilәn xәtlәr, yazılar vә digәr qeydlәr aiddir. Yol nişanlanması müstәqil şәkildә, habelә yol nişanları vә işıqforlarla birlikdә tәtbiq olunur. 

P.S. Ümid edirik Sumqayit.tv-nin işıqlandırdığı bu ciddi məsələ ilə bağlı Dövlət Yol Polisinin Sumqayıt üzrə aidiyyatı şöbəsi ölçü götürəcək. Nəticə etibari ilə sürücü- piyada münasibətləri qaydalar çərçivəsində tənzimlənmiş olacaq.