Zərdabda analoqu olmayan asfaltlama
Bu haqda məlumat sosial şəbəkələrdə paylaşılıb.
Belə ki, vətəndaşlar iddia edirlər ki, Zərdab Rayon İcra Hakimiyyəti kimlərinsə xahişi ilə bəzi sakinlərin qapısının ağzına asfalt çəkdirir. Digər sakinlərin isə evlərinin qarşısına asfalt çəkilməsinə ehtiyac duyulmur.
Sakinləri bir-birindən fərqləndirən “meyarlar” isə hələlik bəlli deyil. Sakinlərin sözlərinə görə, məsələni araşdırmaq üçün Zərdab Rayon İcra Hakimiyyətinə müraciət etsələr də, heç kim onları qəbul etməyib və şikayətlərinə baxmayıb.
Zərdab Rayon İcra Hakimiyyəti ilə əlaqə saxlamağa çalışsaq da, rəsmi səhifələrində qeyd edilən nömrələrə cavab verən olmadı.
Qeyd edək ki, Zərdabda anormal asfaltlanma prosesi aparılan qəsəbədaxili yolda yaşayan sakinlər arasında qazi və şəhid ailələri də var.
28-10-2022, 17:20
162
