Türkiyədə zəlzələ nəticəsində faciəli şəkildə həlak olan Gündüz Nəzərzadə və Hümam İsmayıllı Sumqayıt şəhər Texniki və təbiət elmləri liseyinin çox savadlı, ağıllı şagidlərindən olublar. Liseyimiz onların vəfatından çox sarsırılıb. Zəlzələ baş verən gündən bu yana liseyin bütün heyəti həyəcanlı idi, onların sağ olacağına ümidini itirməmişdi.
Bunu Sumqayit.tv-yə açıqlamasında Sumqayıt şəhər Texniki və təbiət elmləri liseyinin direktoru Rüxsarə Məmmədova Türkiyədə baş vermiş zəlzələdə həlak olan azərbaycanlı tələbə Hümam İsmayıllının vida mərasimində deyib.
"Bu gün onları belə qarşıladığımıza görə çox təəssüf edirik. Bu, bizim üçün bir faciədir. Liseyimiz heç vaxt bu məzunları unutmayacaq. Onların timsalında zəlzələdə həlak olan digər tələbələrimizin xatirəsi əziz tutulacaq", - o qeyd edib.