Sumqayıt şəhərində avtomobilin vurduğu kişi xəstəxanada ölüb.
Sumqayit.tv xəbər verir ki, yol-nəqliyyat hadisəsi şəhərin Üzeyir Hacıbəyli küçəsi ilə Zülfi Hacıyev küçəsinin kəsişməsində qeydə alınıb.
Belə ki, 1958-ci il təvəllüdlü Quliyev Nurəddin Nəsrəddin oğlu avtomobil vurması nəticəsində müxtəlif dərəcəli bədən xəsarətləri alıb.
O, həkimlərin səyinə baxmayaraq yerləşdirildiyi Respublika Neyrocərrahiyyə Xəstəxanasında ölüb.
Faktla bağlı Sumqayıt Şəhər Polis İdarəsində cinayət işi başlanılıb./Report/