Sumqayıtda xiyabanlarda (ikiyol arasında), səkilərdə, dövlət əhəmiyyətli tikililərin və yaşayış binalarının qarşısını kəsən, hətta az qala bitişik olan pərakəndə, tikinti qaydalarına uyğun olmayan, şəhərin estetikasına xələl gətirən, hətta bəzən sakinlərin həyatlarına təhlükə yara biləcək biznes obyektlər mövcuddur. Belə biznes obyektləri, zəbt olunmuş xiyaban və səkilərlə bağlı dəfələrlə mediada tənqidi xarakterli yazılar verilib. 
Sumqayit.tv-in redaksiysına izləyicimiz Ceyhun Zeynallı tərəfindən qanunsuz tikildiyi iddia olunan obyektlərdən biri ilə bağlı, şikayət daxil olub.
Şikayət məktubunu olduğu kimi təqdim edirik:
“ Mən , Zeynallı Ceyhun Məzahir oğlu  Sumqayıt şəhəri, 9-cu mikrorayon, ev 52A, mənzil 1-in sakini  yazıb Sizə bildirmək istəyirəm ki, mənim mənzilimin eyvanının qarşısında  qanunsuz tikili tikilərək ticarət obyekti kimi fəaliyyət göstərir.  Qanunsuz tikilinin sahibi memarlıq idarəsində olan həvadarlarına arxayın olaraq qeyri-qanuni tikilən obyektini daha da genişləndirirək   düz mənim mənzilimin  pəncərəsi qarşısında  sanitar qovşağ da tikib, tikili mənim mənzilimin hər iki pəncərəsini qapatmışdır.indi ətrafda natəmizlik  hökm sürür. Sanitar qovşağından gələn  pis iy  bizi və qonşuları  narahat edir. Bu özü ciddi epidomoloji xəstəliklərin başlanğıcına səbəb ola bilər.  Əsas  narahatçılıq isə odur ki, qanunsuz tikilinin sanitar obyektinin kanalizasiya suları birbaşa zirzəmiyə axır. Bu da binanın zirzəmisindəki dayaq sütünlarının zəifləməsinə səbəb olacaq . Nəticədə aşağı balda zəlzələ olarsa bina tam uça bilər.
Çox təsiredici haldır ki, bu qanunsuz tikili  şəhərimizin ən görkəmli yerlərindən olan Ulu öndərimiz Heydər Əliyevin şərəfinə yaradılmış  Parkın 10 metr yaxınlığında baş verib. Şəhərin ən mərkəzi yerində bu qanunsuzluqları görən olmayıbmı.  Bir sakin olaraq xahiş edirəm ki, ədalət bərpa edilsin, qanunsuz tikililər sökülərək ərazi əvvəlki vəziyyətinə qaytarılsın.”







Müəllif: Sumqayit.tv