Sumqayıt şəhərində yerləşən evlərdən birinin blokunda sanitariya-gigiyena qaydalarına əməl edilməməsi həmin binanın yaşayışçıları üçün xəstəlik təhlükəsi yaradır.

Bu barədə Sumqayit.tv-yə şəhər sakinlərindən biri məlumat verib. İzləyicimizin sözlərinə görə, Sumqayıt şəhər 2-ci məhəllə, Səməd Vurğun küçəsi, 102 nömrəli evin 1-ci blokunda anti-sanitariya höküm sürür. Bloka daxil olanda adam özünü zibillik poliqonuna gəlmiş kimi hiss edir.  Blokun zibiliyə təslim olmasınıda,   pəncərə şüşələrinin sındırılması da rol oynayır. Belə ki, küləkli şəhər olan Sumqayıtda adı meh əsən kimi, böyük ehtimalla blokda yığılmış zibilliklər "rəqsə" başlayır.  Bu da istər istəməz həmin məkanı zibillik poliqonundan fəqrləndirmir. Görünür belə vəziyyət bina sakinlərini narahat etmir. Onlar hansı təhlükə ilə üz-üzə qaldıqlarının fərqində deyillər. Hansı ki, belə  şəraitsizliyin hökum sürməsi elə ilk növbədə orada yaşayan yaşayışçıların özlərinin  sağlamlığı üçün ciddi problemlər  meydana gətirə bilər.

Vəziyyətin belə acınacaqlı olması öncə orada yaşayan insnaları daha sonra isə aidiyyatı qurumları hərəkətə gətirməlidir ki, yarana və yayıla biləcək xəstəliklərin qarşısı vaxtında alınsın.