Dünən Vətən müharibəsinin şəhidi Həsənquliyev Səbubi Əlixan oğlunun mövlud günü qeyd olunub. 
Sumqayit.tv bildirir ki, Səbuhi Həsənquliyev 11 aprel 2002-ci ildə Ucar rayonunun Boyat kəndində anadan olub. 2008-ci ildə Sumqayıt şəhər Cəbrayıl rayonu 5N-li məktəbində birinci sinifə başlayıb. 2017-ci ildə həmin məktəbin 9-cu sinifini bitirərək peşə liseyinə daxil olur. 2020-ci ildə peşə liseyini bitirdikdən sonra həmin ilin aprel ayında hərbi xidmətə yollanır. Səbuhi Böyük Vətən Müharibəsi zamanı xüsusi şücayət göstərib və Şuşa uğrunda gedən döyüşlər zamanı qəhrəmancasına şəhidlik məqamına ucalıb! Şəhidimiz ölümündən sonra "Xocavəndin azad olunmasına görə", "Vətən uğrunda", "Cəbrayılın azad olunmasına görə", "İgidliyə görə", "Füzulinin azad olunmasına görə", "Şuşanın azad olunmasına görə", "Hərbi xidmətdə fərqlənməyə görə" medalları ilə və "Vətənə xidmətə görə" ordeni ilə təltif olunub! 
Ruhun şad olsun, İgidim! 
Vəsiqə Dadaşova