Abşeronda anasını amansızlıqla öldürməkdə təqsirləndirilən Orxan Hüseynzadənin cinayət işi üzrə ibtidai istintaq başa çatıb. Sumqayit.tv Pravda.az-a istinadən xəbər verir ki, toplanan iş baxılması üçün Sumqayıt Ağır Cinayətlər Məhkəməsimə göndərilib.
Cinayət işi hakim Aynur Rzayevanın icraatına verilib. Məhkəmənin ilkin hazırlıq iclası avqustun 21-nə təyin edilib.
Qeyd: Bu il fevralın 19-da saat 01 radələrində Abşeron rayonu Xırdalan şəhərində evlərin birində 1974-cü il təvəllüdlü Mehriban Hüseynzadənın xüsusi amansızlıqla öldürülməsi barədə polisə məlumat daxil olub. Araşdırmalarla cinayət əməlini qadının oğlu 1998-ci il təvəllüdlü Orxan Hüseynzadə tərəfindən törədilməsinə əsaslı şübhələr müəyyən olunub. Polis əməkdaşları tərəfindən Orxan Hüseynzadə tutularaq istintaqa təhvil verilib. İddia edilir ki, oğul anasını onu istədiyi qızla evləndirmədiyi üçün öldürüb. Hadisə zamanı Orxan Hüseynzadənin atası işdə, bacısı isə Bakıda olub. Məlumata görə, qətlə yetirilən 1974-cü il təvəllüdlü Mehriban Hüseynzadə Abşeron rayon Mehdiabad qəsəbəsində yerləşən məktəblərin birində müəllim işləyirmiş.
8-08-2023, 10:34
131
