Kürdəmir rayonunda yol qəzası olub, bir ailənin iki üzvü xəsarət alıb.
Sumqayit.tv "Report"a istinadən xəbər verir ki, hadisə Bakı-Qazax yolunun rayonun Atakişili kəndindən keçən hissəsində qeydə alınıb.
Belə ki, Sumqayıt şəhər sakini, 1977-ci il təvəllüdlü Hüseynov Nazim Tapdıq oğlunun idarə etdiyi "KİA" markalı avtomobil yolun kənarına aşıb.
Hadisə zamanı avtomobilin içərisində olan, sürücünün oğlu 22 yaşlı Hüseynov Elnur Nazim oğlu və həyat yoldaşı 44 yaşlı İbrahimova Fazilə Əlövsət qızı müxtəlif dərəcəli bədən xəsarətləri alıblar.
Onlar Kürdəmir Rayon Mərkəzi Xəstəxanasına yerləşdirilib.
Faktla bağlı araşdırma aparılır.