Sumqayıt parklarında işgəncə alətinə bənzər skamyaların qoyulması sakinlərin narazılığına səbəb olub.
Yay aylarında sakinlər istirahət üçün davamlı olaraq parklara üz tutur, oturur dincəlir. Bəəs parklarda bu mənada hazırkı vəziyyət nə yerdədir? 
Sumqayıtda davamlı olaraq müəyyən işlər görülməsinə baxmayaraq problemlər bitmir, ya işlər yarımçıq görülür, yaxud istənilən səviyyədə həyata keçirilmir. Bununla da sakinlər haqlı şikayətlərinə davam edirlər.
Xeberle.com-a daxil olan növbəti şikayət isə Sumqayıt bulvarına yeni qoyulmuş skamyalar ilə bağlıdır.
Sakinlərin sözünə görə, bulvar ərazisinə qoyulan yeni skamyalar istifadəyə yararsızdır. 
"Sumqayıt bulvarına qoyulan yeni oturacaqlarda material az istifadə olunduğuna görə tez sıradan çıxır. Həmin oturacaqların söykənəcək hissəsi dik - bucağı 90 dərəcəli olduğu üçün nəinki əyləşmək, heç normal dincəlmək də olmur, sanki işgəncə alətidir", - deyə sakinlə bildirib.
Burada yaşayanlar Sumqayıt Şəhər İcra Hakimiyyətinin məsələ ilə bağlı tədbir görməsini istəyirlər.
Bundan əlavə bir neçə il öncə Heydər Park ərazində qoyulan dəmir skamyalar ümumiyyətlə anlaşılan deyil və tam yararsızdır. Soyuq aylarda bumbuz olan bu skamyalarda oturmaq mümkün deyil. Ya gərək özünlə döşəkcə gəzdirib üzərinə qoyub əyləşəsən, ya da babasil və digər bağırsaq xəstəliklərinə tutulasan. 
Hər halda əlaqədar qurumlar tezliklə tədbir görsələr yaxşıdır.

Aygün İsmayılova