Mərhum politoloq Vəfa Quluzadə Fələstinlə bağlı illər öncə maraqlı açıqlaması yenidən gündəm olub.
Axar.az xəbər verir ki, Vəfa Quluzadə Fələstin hərəkatının Sovet İttifaqından böyük yardımlar aldığını bildirib.
“Fələstin hərəkatı Sovet İttifaqından maliyyə və əsgəri yardımlar alırdı. Mən o vaxtı Sovet səfirliyi tərəfindən Fələstin hərəkatına cavabdeh şəxs idim, Yasir Ərəfatla görüşlərim olmuşdu. Bu məsələləri gözəl bilirəm.
Yasir Ərəfat da, Fələstin hərəkatı da ermənilərə Sovet İttifaqının marağı kimi baxırdı. Sovet İttifaqı Fələstin hərəkatını yaşatdığı üçün Fələstin hərəkatı da Sovet İttifaqı ermənilər üçün nə istəyirdisə, onu etməyə hazır idi. Məsələn, SSRİ Fələstin hərəkatına müəyyən qədər silah ötürəndə, xahiş edirdi ki, bir hissəsini ermənilərə versin. Onlar da bunu edirdilər. Ermənilər Fələstin hərəkatının bazalarında təlim keçirdilər”, - deyə mərhum politoloq vaxtilə bildirmişdi.