Sumqayıtda fəhlə işləyən şəxsi aldadıb üzərinə 65 min manat borc yığdılar.

Sumqayit.tv “Den.az”-a istinadən xəbər verir ki, Sumqayıtda şirkətlərin birində fəhlə işləyən Rövşən Yusuflu, Abşeron rayonun Xırdalan şəhərində tanışı tərəfindən aldadıldığını iddia edib. 

Zərərçəkmişin sözlərinə görə, Rövşən Rüstəmov adlı şəxs, onun etibarından istifadə edərək guya sosial yardım düzəltmək adı altında vöen açıb.  Rövşən Yusuflu hadisədən yalnız Vergilər Nazirliyindən ona gələn zəngdən sonra agah olub. Məlum olub ki, 3 il  öncə adına açılan vöenlə ona 65 min manat vergi borcu yığılıb. Onu aldadan şəxslə əlaqə saxlamaq istəsədə, lakin telefonuna zəng çatmayıb. 

Zərərçəkmiş deyir ki, onu aldadan şəxs barəsində aidiyyatı qurumlara məlumat verəndə şok yaşayıb. Sən demə Rövşən Rüstəmov , elə Samir Nəcəfovun işçisi imiş. Digər şəxslərlə əlbir olaraq, başqa vətəndaşlara qarşıda bu dələduzluğu ediblər. Hazırda onun adına 65 min manat borc göstərilib. Ölkədən çıxışıma qadağa qoyulub. 

Zərərçəkmişlərin şikayəti əsasında işin təşkilatçısı olan Samir Nəcəfovun saxlanıldığı bildirilir.  Fakt üzrə aidiyyatı qurumlar tərəfindən araşdırma aparılır.  

15-10-2023, 15:49 143