İlqar İmanlı adlı izləyicimiz Sumqayit.tv-yə şikayət ünvanlayıb. O bildirir ki, dünən gecə ailə üzvlərindən birinin dişi ağrıdığı üçün səhərə qədər Sumqayıt şəhərində yerləşən bütün poliklinikları gəziblər. Lakin gecə bir dənə də olsun növbəli fəaliyyət göstərən stomatoloq tapa bilməyiblər. Nəhayət Təcili Tibbi Yardım Stansiyasına müraciət ediblər. Oradan da pasiyentə bildirilib ki, stansiyada əvvəllər gecə növbəsində stomatologiya fəaliyyət göstərsə də, hazırda həmin şöbə fəaliyyətini dayandırıb. 
İzləyicinin şikayətini nəzərə alaraq  "Sumqayıt Tibb Mərkəzi" ilə əlaqə saxladıq.  Qurumun ictimaiyyətlə əlaqələr bölməsindən Sumqayit.tv-yə  verilən məlumata görə hazırda  şəhərdə gecə növbəsində fəaliyyət göstərən stomatoloji bölmə yoxdur. Belə ki, "Sumqayıtda Təcili Təxirəsalınmaz Tibb Yardım Stansiyasında gecə növbələrində fəaliyyət göstərən Stomatoloji kabinetlər Səhiyyə Nazirliyinin qərarı ilə 2004-cü ilin aprelin 1-dən ləğv edilib. Hazırda TƏBİB-in tabeliyindəki Sumqayıt Tibb Mərkəzinin nəzdində Stomatoloji poliklinika fəaliyyət göstərir. Poliklinikada növbəli sistem təşkil edilməklə həkimlər saat 19:00-dək pasiyentlərə xidmət göstərirlər".
Müəllif: Sumqayit.tv