Belə ki, Bakı şəhəri Binəqədi qəsəbə sakini Təhminə Aslanovanın 26 həftəlik hamiləliklə cərrahi yolla ekstremal dərəcədə azçəkili və çoxlu sağlıq problemləri ilə dünyaya gətirdiyi körpə 2 ay müalicə edilib.
Tibb mərkəzinin mətbuat katibi Ramil Zeynallı sosial şəbəkə hesabında paylaşdığı postda qeyd edib ki, həddən artıq az bədən çəkisinə malik və vaxtından əvvəl doğulmuş yenidoğulmuşların müalicəsi çox uzun sürən və çətin bir proses olmaqla yanaşı, çox bahalı xidmət növünə daxildir:
“Ekstremal azçəkiyə malik olan körpələrin həm quruluş, həm də funksional baxımdan yetişməmiş orqan və sistemləri tibbi texnologiyaların dəstəyinə ehtiyacı olur. Digər tərəfdən, belə körpələrin sinir, görmə, eşitmə sistemləri və ağ ciyərləri tərəfindən qüsurlu qalmaq riski də böyük olur. Məqsəd körpələrin sağ qalmasından əlavə, əlil qalmaması üçün çalışmaqdır”.
Məlumata görə, körpə sağlam vəziyyətdə 2335 qram çəki ilə evə yazılıb və Perinatal Mərkəzin Katamnestik izləmə kabinetində müşahidə də olacaq.
19-10-2023, 12:00
100
