Bu gün Azərbaycan Respublikası Qaçqınların və Məcburi Köçkünlərin Dövlət Komitəsinin Sumqayıt şəhər nümayəndəliyinə rəhbərlik etmiş, Sevindik İsa oğlu Hüseynovun 78 yaşı tamam olur.
"Bu münasibətlə Sevindik müəllimi, Qərbi Azərbaycan İcması Sumqayıt nümayəndəliyinin çoxminli üzvləri adından ürəkdən təbrik edir, ağsaqqalımıza uzun, mənalı, sağlam və bərəkətli ömür diləyirəm."
Hörmətli, Sevindik müəllim!
Əminəm ki,  cənab prezidentimiz İlham Əliyevin Qərbi Azərbaycana Qayıdış Konsepsiyası adı altında başlatdığı siyasətə, bundan sonra da öz bilik və təcrübələrinizlə töhvə verəcək və indiki Ermənistan deyilən ərazilərdən deportasiya edilmiş soydaşlarımızın öz yurdlarına tez bir zamanda qayıdışı istiqamətində fəallıq göstərəcəksiniz. 
Arzu edirəm ki, ömrünüzün 30 ilini həsr etdiyiniz mübarizə məntiqi sonluqla yekunlaşsın və ata-baba yurdumuz olan o müqəddəs torpaqlara birgə addım ataq. 
Tanrı verən ömrünüz mübarək!
Hörmətlə, "Qərbi Azərbaycan İcması" Sumqayıt nümayəndəliyinin rəhbəri Ramiz İsmayılov