Sumqayıtda baş verən qətlin təfərrüatları məlum olub.
Sumqayit.tv xəbər verir ki, hadisəni törədən, Sumqayıt sakini Ceyhun Rzayevin oğlu Nihad Rzayev hadisə atası ilə anasının boşanması üstündə baş verib. Belə ki, C. Rzayevlə həyat yoldaşı bu gün məhkəmə qərarı ilə rəsmi boşanıb: "Məhkəmədən qayıtdıq, atam zəng elədi dayıma ki, gəl söhbət edək. Dayımla mən gəldik evin yaxlnlığına, atam dayımı vurdu. Sonra da bıçaqladı. Dayımı xəstəxanaya çatdırdıq, orada öldü". N. Rzayev bildirib ki, hadisədən sonra C. Rzayev iki stəkan essensoal turşusu içərək intihara cəhd edib.C. Rzayev xəstəxanaya yerləşdirilib
-------
Sumqayıtdakı qətllə bağlı bəzi təfərrüatlar məlum olub.
Sumqayit.tv apa-ya istinadən xəbər verir ki, bu gün arvadını boşayan Ceyhun Rzayev qaynını məsələni ayırd etmək üçün evlərinin yanına çağırıb və münaqişə zəminində onu qətlə yetirib. Ceyhun Rzayev bunun ardınca böyük həcmdə sirkə turşusu içərək intihara cəhd edib. Hazırda onun vəziyyəti ağırdır.
***
19.13
Qəsdən adam öldürmə faktına görə cinayət işi başlanıb.
Sumqayıt şəhər prokurorluğundan apa-ya verilən xəbərə görə, martın 1-də saat 18 radələrində Sumqayıt şəhəri ərazisində 1981-ci il təvəllüdlü Nicat Salahovun öldürülməsi barədə şəhər prokurorluğuna məlumat daxil olub.
Araşdırma zamanı 1976-cı il təvəllüdlü Ceyhun Rzayevin ailə münaqişəsi zəminində aralarında yaranmış mübahisə zamanı bıçaqla qaynı Nicat Salahova xəsarət yetirərək qəsdən öldürməsi, daha sonra kimyəvi məhlul içərək özünü öldürməyə cəhd etməsinə əsaslı şübhələr müəyyən edilib.
Ceyhun Rzayev saxlanılaraq polis müşayiəti altında xəstəxanada ona tibbi yardım göstərilir.
Faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq aparılır.
***
18:57
Martın 1-də saat 18 radələrində Sumqayıt şəhəri ərazisində 1981-ci il təvəllüdlü Salahov Nicat Saleh oğlunun kəsilmiş-deşilmiş xəsarətlərlə ölməsi barədə polisə məlumat daxil olub.

DİN-in mətbuat xidmətindən apa-ya bildirilib ki, cinayət əməlini törətməkdə şübhəli bilininən 1976-cı il təvəllüdlü Rzayev Ceyhun Alxan oğlu qətli törətdikdən sonra intihara cəhd edib. O, xəstəxanaya yerləşdirilib. Qətlə yetirilən şəxslə C.Rzayev onun qohumu olub.

Hadisə şəxsi münasibətlər zəminində baş verib.

Araşdırma aparılır.