“Sumqayıt”ın Misli premyer-liqasındakı uğurlu çıxışı davam edir. “Kimyaçılar” 26 turdan sonra 39 xalla turnir cədvəlinin ikinci pilləsindədi. Yəni komanda avrokuboklara vəsiqə qazanmaq iddiasını qoruyur.

Bəs “Sumqayıt” avrokuboklara vəsiqə qazansa, ev oyunlarını harda keçirməyi planlaşdırır? Ümumiyyətlə, yeni arena UEFA-nın tələblərinə uyğundumu? Bu mövzuyla bağlı artıq işlərə başlanılıb?

Klubun mətbuat xidmətinin rəhbəri Zaur Xudiyev “Football-plus.az”ın suallarını cavabladı?

“Bəli, artıq lazımi sənədlərin toplanmasına başlamışıq ki, UEFA-ya göndərək. İstəyirik ki, avrokuboklara vəsiqə qazanacağımız təqdirdə indiki stadionumuzda oynayaq. Lakin sənədlərin təhvil verilməsi çox vaxt ala bilər. Həmçinin “Kapital Bank Arena” və “Dalğa Arena” variantları da var. Məqsədimizə çatmasaq, əsas meydança kimi “Kapital Bank Arena”nı, ehtiyat kimi isə “Dalğa Arena”nı sifariş edəcəyik”.