Dünən izləyicilərimizdən biri şahidi olduğu hadisə ilə bağlı saytımızın e-mail ünvanına şikayət məktubu ünvanlayıb. 

Sumqayit.tv-yə daxil olan şikayət məktubunu olduğu kimi təqdim edir: 

“07 aprel 2024-cü il saat 17:20 radələrində Sumqayıt şəhərində 7 nömrəli  sərnişin avtobusunda insident baş verib. Belə ki, sözügedən marşrut xətti üzrə hərəkət edən 50 EV 635 dövlət nişanlı avtobusun sürücüsü qarşıdakı dayanacaqda texniki prosrslərə əməl etməyərək, əyləc sistemini qəflətən tormozlamış, nəticəsində, düşməyə hazırlaşan təxminən 70 yaşlarında olan yaşlı bir kişi sərnişini avtobusun salonuna yıxılaraq huşunu itirdi. Sürücüyə və onun saqqallı pulyığanına sərnişinlər tərəfindən iradlar birilsədə, onlar sərnişinlərin sözlərinə heç nə olmamış kimi əhəmiyyət verilməyərək, biganə halda yola davam etdilər. Nəhayət, marşrutda olan insanların yardımı ilə huşsuz vəziyyətdə olan  kişi özünə gəldi və qarşıdakı dayanacaqda düşürülərək elə sərnişinlər tərəfindən yaşadığı ünvana çatdırıldı”. 

Xatırladaq ki, Sumqayit.tv olaraq 7 nömrə də daxil olmaqla Sumqayıtda bir sıra marşrut xətti üzrə hərəkət edən avtobuslarda baş verən özbaşınalıqdan dəfələrlə yazaraq, burada çalışan sürücülərin əksəriyyətinin sərnişindaşıma avtobuslarını sürməyə hazır olmadıqlarını bildirsəkdə problem öz həllini tamır ki, tapmır.

Müəllif: Sumqayit.tv 

8-04-2024, 12:04 238