Qərbi Azərbaycan İcması (QAİ) Sumqayıt nümayəndəliyinin ofisində  Qadınlar Şurasının növbəti toplantısı keçirilib.  
Sumqayit.tv-yə verilən məlumata görə, iclas, nümayəndəlik üçün verilmiş yeni ofisinin konfrans zalında baş tutub.

Tədbir Azərbaycanın müstəqilliyi və bütövlüyü uğurunda canlarını fəda edən şəhidlərimizin əziz xatirəsini bir dəqiqəlik sükutla yad edilərək başlayıb.

Müqəddəs Ramazan Bayramı ərəfəsində baş tutan toplantını giriş sözü ilə Sumqayıt nümayəndəliyinin rəhbəri Ramiz İsmayılov açıb. O tədbir iştirakçılarına  Qərbi Azərbaycan İcması İdarə Heyyətinin sədri, millət vəkili Əziz Ələkbərlinin  və QAİ Qadınlar Şurasının sədri, millət vəkili Məlahət İbrahimqızının salamlarını çatdıraraq, qarşıdan gələn Ramazan Bayramı münasibətilə iclas iştirakçılarını təbrik edib, xanımlara işlərində uğurlar arzulayıb.

Qərbi Azərbaycan İcması Sumqayıt nümayəndəliyinin Qadınıar Şurasının sədri, İlhamə Abdullayeva Sumqayıt nümayəndəliyinə yaradılan şərait üçün ölkə prezidentinə İlham Əliyevə və Sumqayıt şəhər İcra Hakimiyyətinin başçısı Zakir Fərəcova minnətdarlığını bildirib. 

O Azərbaycan Respublikasının Prezidenti İlham Əliyevin öz doğum günündə bir qurup Qərbi Azərbaycanlı ziyalılarla görüşünü əhəmiyyətinə diqqət çəkərək əlavə edib ki, bu bizim qarşımızda qoyulan böyük məsuliyyətdir.  

“Məlumunuz olduğu kimi artıq, QAİ Qadınlar Şurasının sədr M.İbrahimqızının rəhbərliyi altında respublikanın bir sıra yerlərində qadınlar qolu yaradılıb və fəaliyyət göstərir”- deyə İ.Abdullayeva bildirib. 

Daha sonara  QAİ Sumqayıt nümayəndəliyinin Qadınlar Şurasının qarşıda duran tədbirlər planı ətrafında müzakirələr aparılıb. 

Sonda Icmanın Sumqayıt  Nümayəndəliyinə verilən yeni ofisinin qarşısında xatirə fotosu çəkilib. 

10-04-2024, 16:43 933