Abşeron-Xızı Regional Təhsil İdarəsinin tabeliyində fəaliyyət göstərən Sumqayıt şəhər Təbiət Elmləri Təmayüllü Gimnaziyanın şagirdləri buraxılış imtahanlarında yüksək nəticə göstərərək, ölkə üzrə rekord nəticə əldə ediblər.
Sumqayit.tv xəbər verir ki, həmin məktəb üzrə orta bal ölkə üzrə rekord göstərici hesab olunmaqla 285 bal qeydə alınıb. Bundan başqa sözügedən məktəbdə 3 nəfər maksimal 300, 46 nəfər 285-300 bal arası nəticə göstərməklə minimal 235 bal qeydə alınıb.
Bu da Sumqayıt şəhər Təbiət Elmləri Təmayüllü Gimnaziyanın şagirdləri tərəfindən ölkə üzrə məktəblər arasında ən yüksək rekord nəticənin əldə edilməsi deməkdir.