Sumqayıtın Birləşmiş Məhəllə deyilən ərazinin bəzi binaların sakinləri içməli su problemindən şikayət edir. 
Bu barədə  Sumqayit.tv-in elektron poçtuna ərazidə yaşayan sakinlər tərəfindən şikayət daxil olub. Sakinlər bildirirlər ki, yaşadıqları məhəllənin bəzi binalarına normada su verilmədiyi üçün, binanın əksər sakinləri əsasən də yuxarı mərtəbələrdə yaşayanlar su çatışmamazlığından əziyyət çəkirlər..
Söhbət  Birləşmiş Məhəllənin 9b evindən gedir. Şikayətçilərin bildirdiyinə  görə, vətəndaşlar neçə gündür sussuz qalıb. “Problemin meydana gəlməsinin səbəbi isə yeni sayğacların qoyulmasından və boruların bloka çıxarılmasından sonra oldu. Beləliklə binamızda tez-tez su kəsilmələr qeydə alınmağa başladı. Üzləşdiyimiz problemlə bağlı, aidiyyəti qurumlara dəfələrlə müraciət etsək də heç bir müsbət cavab vermir.”-deyə narazı sakinlər bildiriblər.

Qarşı tərəfi dinləməyə hazırıq.