Sumqayıtda gecə vaxtı quraşdırılan obyekt sakinlərin etirazına səbəb olub.

Sumqayit.tv xəbər verir ki, bu barədə Milli.Az-ın redaksiyasına sakinlər müraciət ediblər.

Sakinlərin sözlərinə görə, Sumqayıt şəhəri, 13-cü mikrorayon, bina 6 ünvanın qarşısında yerləşən yaşıllıq sahədə qanunsuz obyekt quraşdırmaq istəyiblər.

Sözügedən şəxslər obyekti gecə vaxtı quraşdırıblar və ərazidə olan ağaclara da müəyyən qədər zərrər vurublar.

Sakinlərin etirazından sonra tikinti işləri dayandırılıb.

Sumqayıt şəhər İcra Hakimiyyətindən Milli.Az-ın sorğusuna cavab olaraq bildirildi ki, məsələ araşdırılır.