Sumqayıtda 5 saylı yataqxananın sakinləri təhlükəli vəziyyətlə bağlı şikayət ediblər. Onların sözlərinə görə, binanın 4-cü mərtəbəsində yaşayan Məcid Zülfiqarov yataqxanada ciddi problemlər yaradır.
Sumqayit.tv xəbər verir ki, sakinlərin "Xəzər tv"-yə verdiyi məlumata görə, o, gah evinə əxlaqsız qadınlar gətirir, gah da qonşularını bıçaqla təhdid edir. Bundan əlavə, bir neçə gün əvvəl yataqxananı yandırmağa cəhd göstərib. Bu isə orada yaşayan insanların, xüsusilə uşaqların və yaşlıların həyatı üçün təhlükə yaradıb.
Məcid Zülfiqarovun qardaşı Səttar Zülfiqarov da vəziyyətin ciddiliyini təsdiqləyərək, hətta özünün də ondan qorxduğunu bildirib.
Məsələ ilə bağlı artıq polisə məlumat verilib. Daxili İşlər Nazirliyindən bildirilib ki, daxil olan şikayət əsasında araşdırma aparılır.