Sumqayit.tv xəbər verir ki, Azərbaycan Respublikası Dövlət Turizm Agentliyi Aparatının əməkdaşı Nicat Hüseynov, 4 mart 2025-ci ildə Azərbaycan Respublikası Dövlət Təhlükəsizliyi Xidməti tərəfindən şübhəli şəxs kimi saxlanılıb. O, məhkəməyə təqdim edilib və Bakı şəhəri Səbail rayon məhkəməsi tərəfindən barəsində həbs qətimkan tədbiri seçilib.

Nicat Hüseynov, xidməti vəzifəsini icra edərkən, vəzifə səlahiyyətlərindən sui-istifadə etməkdə ittiham olunub.

Daha əvvəl, Azərbaycan Respublikası Prezidentinin sərəncamı ilə Dövlət Turizm Agentliyinin sədri Fuad Hümbət oğlu Nağıyevə işində yol verdiyi nöqsanlara görə ciddi töhmət verilib.

Eyni zamanda, Agentliyin bir sıra yüksək vəzifəli əməkdaşları, o cümlədən Dövlət Turizm Agentliyinin Aparat rəhbəri Kənan Qasımov və Turizm siyasəti və strategiyası şöbəsinin müdiri Məhəmməd Muradov vəzifələrindən azad ediliblər.

10-03-2025, 12:57 52