Xəzərin Corat sahillərində qanunsuz balıq ovlayan bir şəxs Sumqayıt Xətt Polis Məntəqəsinin əməkdaşları tərəfindən ələ keçirilib.
Sumqayit.tv xəbər verir ki, Daxili İşlər Nazirliyinin (DİN) Su Nəqliyyatında Polis İdarəsinin əməkdaşları həyata keçirdikləri əməliyyat zamanı, Corat qəsəbəsi ərazisində qeyri-qanuni balıq ovu ilə məşğul olan B.Əlibabayevi saxlayıblar.
Onun üzərindən qadağan olunan ov alətləri və qanunsuz şəkildə ovladığı 92 ədəd balıq aşkar olunub və götürülüb. Hazırda faktla bağlı araşdırmalar davam edir.
Xəzər dənizində və digər su hövzələrində qanun pozuntuları ilə qarşılaşan vətəndaşlar, Su Nəqliyyatında Polis İdarəsinin (012) 433-38-12 və (012) 433-38-02 nömrələrinə müraciət edərək məlumat verə bilərlər.