Sumqayıt şəhərinin 10-cu mikrorayonunda yerləşən evlərdəki sakinlər, qazın olmaması səbəbindən çətinliklərlə üzləşdiklərini bildirirlər.
Sumqayit.tv-yə 1,2, 9, 10 və 11-ci evdə yaşayan sakinlər bildiriblər ki, təxminən bir ildən artıqdır yeməklərini elektrik sobalarında bişirmək məcburiyyətində qalıblar. Onların sözlərinə görə, bu vəziyyət gündəlik həyatlarını çətinləşdirir və yüksək enerji xərclərinə səbəb olur.

Sakinlər neft və qazla zəngin olan bir ölkədə, həm də Sumqayıtın mərkəzi mikrorayonlarından birində qazın verilməməsini acınacaqlı bir vəziyyət kimi qiymətləndirirlər. "Bu qədər təbii sərvətimiz olmasına baxmayaraq, bizim evlərimizə qaz verilmir. Əvvəllər qazla yemək bişirə bilirdik, amma artıq elektrik sobasında bişirilənlə yeməklərlə qidalanmağa məcburuq, bu da bizim üçün həm maddi, həm də praktik baxımdan çox çətin vəziyyət yaradır," – deyə sakinlər bildirirlər.

Şikayətçilər, bu problemin həll olunması və qazın normal verilməsi üçün müvafiq qurumlara müraciət ediblər. Lakin heç bir fayda olmayıb. Yaşayışçılar məsələni mediada işıqlandırılmasını xahiş edirlər. Sakinlər ümid edirlər ki, bu vəziyyətin işıqlandırılması sayəsində problemin həlli istiqamətində konkret addımlar atılacaq.

0703334950 (Whatsapp)

11-03-2025, 12:39 144