Sumqayıt şəhəri ilə Saray qəsəbəsini birləşdirən yeni körpü yaxın zamanlarda istifadəyə verilə bilər.

Sumqayit.tv xəbər verir ki, Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli, körpünün açılışının mart ayının sonunda gözlənildiyini, lakin Novruz bayramına qədər də tamamlana biləcəyini bildirib.

Yeni körpü 104 metr uzunluğunda və 21.6 metr enində olacaq. Dörd hərəkət zolağı ilə inşa edilən körpü həmçinin sağ və sol tərəflərində 2 metr enində piyada səkiləri də təqdim edir.

Tikinti işləri Saray qəsəbəsi kənarından (A1) və iki tərəfdən (P1, P2) yekunlaşmışdır. Svaylar, təmirlər, sütunlar və gücləndirilmiş riqellər artıq tamamlanıb. Körpünün birinci aşırımının tirləri quraşdırılıb (16 ədəd, hər birinin uzunluğu 33 metr) və kəmər armatur karkası betonlanıb. Hazırda körpünün orta aşırımında tirlərin quraşdırılması və Sumqayıt tərəfdə kənar dayağın armaturlanması və betonlanması işləri davam edir.

Yeni körpü 4 dayaqdan ibarət olacaq və orta dayaqlarda 1.5 metr diametrində 6 sütun olacaq. Ümumilikdə körpüdə 12 sütun yerləşəcək. Hər dayaqda 14 metr uzunluğunda və 1 metr diametrində iki cərgəli svaylar istifadə ediləcək. Svayların ümumi sayı 80 ədəddir

14-03-2025, 12:11 204