Martın 14-də Sumqayıt şəhər İcra Hakimiyyətinin başçısı Zakir Fərəcov vətəndaşlarla növbəti səyyar görüş keçirib.
Sumqayit.tv xəbər verir ki, 4-cü məhəllədə baş tutan görüşdə İcra Hakimiyyətinin rəsmiləri, müxtəlif idarə və müəssisə rəhbərləri, şəhid ailələri, qazilər və şəhər sakinləri iştirak ediblər.

Sakinlər sosial müdafiə, mənzil-məişət şəraiti, məşğulluq və digər vacib məsələlərlə bağlı müraciətlər ediblər. Qaldırılan problemlərin böyük hissəsi yerində həll olunub, əlavə araşdırma tələb edən məsələlər isə müvafiq qurumlara yönləndirilib.

Sumqayıt İcra Hakimiyyəti vətəndaş müraciətlərinə xüsusi diqqət ayıraraq, onların problemlərinin operativ həllini prioritet vəzifələrdən biri kimi müəyyənləşdirib. Bu cür görüşlər davamlı olaraq təşkil edilir və sakinlərin sosial rifahına töhfə verməyə yönəlib.